NOVAS APORTACIÓNS DE CANADÁ E DINAMARCA

Estamos moi agradecid@s de contar con tanta colaboración no noso proxecto e estar a recibir tantas cousiñas... Estes días temos novos libros en danés (embaixada de Dinamarca), uns xogos en francés (embaixada de Canadá)... Isto promete!

Moitísimas grazas por colaborar con nós!
E xa sabedes, tod@s aqueles que queirades colaborar donándonos libros en outros idiomas, guías sobre diferentes países, xogos... todo, todo, todo nos vale! Queremos facer un proxecto ao grande.

TIVEMOS RESPOSTA DALGUNHAS EMBAIXADAS

Para o noso proxecto da "Colección de Libros do Mundo" quixemos buscar axudar alá onde podiamos e así foi como, nos puxemos mans á obra e decidimos escribir ás embaixadas.
De momento enviamos sobre uns vinte correos electrónicos a embaixadas (aínda nos quedan unhas cantas) pero xa tivemos resposta de Irlanda (xa nos chegou unha carta con información do país), de Dinamarca (que nos van mandar dous libros en danés) e de Canadá (que como non teñen material escrito nos enviaron varios enlaces para acceder a información do seu país, e nos van enviar xogos en francés e inglés).
Estamos encantados con estas colaboracións!

Esperamos poder seguir recibindo cousiñas para facer unha gran colección de "Libros do Mundo" e tamén de diversos materiais en distintas linguas, información dos países, etc. e así poder facer un proxecto documental conxunto no vindeiro curso.

BIBLIOTECAS, FAMILIAS, COLEXIOS... NECESITAMOSA VOSA AXUDA!!!

Queres participar no noso proxecto dos Libros do Mundo?
Le este díptico, e poderás facernos chegar as túas donacións. Esperámoste!!!

LIBRO RECÉN CHEGADO DE FRANCIA

Para a nosa seción de "Libros do Mundo".
Nesta ocasión, Carolina, a amiga dunha profe do cole, aproveitou unha viaxe a Francia para colaborar co noso proxecto, e troúxonos este fermoso conto.

Por suposto, non está en español senón en francés, así que... a que esperades para ver como se fala (e se le) nesta lingua?
Xa sabedes, está na caixiña dos libros do mundo.

(Moitísimas grazas Carolina)

PROXECTO: CONTOS DO MUNDO

Ímosvos contar a nosa idea, para que se podedes nos axudedes a conseguir o noso fin.
Dende o curso 2010 temos na nosa biblioteca a idea de conseguir unha colección de "Libros do Mundo", é dicir, unha colección de libros de calquera parte, e en calquera idioma.

O xeito de conseguilos ata agora foi a partires de viaxes do profesorado, donacións... pero queremos ampliar a nosa idea, buscando a participación de todo aquel que queira.
Como nos podedes axudar?
Pois conseguindo que alguén (un coñecido/a, un familiar...) ou vós mesmos cando vaiades a algún sitio cunha lingua diferente á nosa, no-lo fagades chegar.
Dentro destos libros da nosa colección irá unha folliña na que se recolla a orixe do mesmo, a lingua na que está escrito...
Polo de agora temos libros en inglés, alemán, sueco, bable... Alguen se anima a axudarnos?

Se non vivides en Ortigueira e nos queredes axudar podedes facer un envío por correo postal ó noso enderezo:
BIBLIOTECA ESCOLAR do CEIP. Jose María Lage
R/ Pedro Castiñeiras s/nº
 Cp. 15330 Ortigueira (A Coruña)

Moitísimas grazas!