II CONCURSO FOTOGRÁFICO DE VERÁN: "E TI... ONDE LES?"

A finais do curso pasado propuxemos este concurso fotográfico para participar ao longo de todo o verán. Ó comezo do curso montamos a exposición con todas as fotos participantes no noso taboleiro da entrada do colexio. Toda a comunidade educativa puido ver a cantidade de lugares onde se pode desfrutar dunha boa lectura. Mirade que fermosas fotos fixeron as familias que se animaron a participar.

 Aquí tedes, máis de cerca, estas orixinais fotos. Que difícil foi escoller a gañadora!

   



O xurado decidiu darlle o premio á foto nº20, que levaba por título "Rumbo á imaxinación". Parabéns á gañadora!

Esperamos que para o seguinte concurso se animen moitos máis nenos e nenas.

Culleredo 2014

Como xa sabedes o noso centro foi un dos catro centros selecionados dentro do proxecto "Voluntariado de Lectura-A" para pasar unha semana no Centro Residencial Docente de Culleredo. 

A experiencia dos voluntarios da biblioteca en Culleredo foi fantástica. Unha semana chea de actividades na que aprenderon a convivir, a compartir, a contar contos, a bailar, a cociñar e a axudar aos demáis.

Estes son algúns dos obradoiros máis destacados realizados ao longo da semana:

·         Obradoiro de lingua de signos
·         Xogos cooperativos
·         Visita aos locais da Cruz Vermella e xogos sobre os sentidos.
·         Danzas do mundo
·         Obradoiro de lectura expresiva cunha sensacional Charo Pita
·         Obradoiros de narración oral cun sorprendente Celso Sanmartín.
·         Visita á biblioteca pública Ágora na que fixeron diferentes actividades sobre os voluntarios da biblioteca.
·         Obradoiro de cociña solidaria, na que as nenas fixeron unhas galletas que venderon polas instalacións do C.R.D. e o recaudado foi entregado ao Banco de Alimentos (unha actividade que disfrutamos todos ).
·         María Reimóndez visitounos para falar dos seus libros e da súa actividade como membro dunha ONG.
·         Rematou a semana cunha sesión de Xogos Cantados a cargo do grupo Pesdelán.

As nenas conviviron durante uns días compartindo cos outros compañeiros: xogos, risas, comidas e lecturas.

Visita á biblioteca Ágora

Actividade con Pesdelán

Actividades de cooperación

Actividade Cruz Vermella

Visita á Torre de Hércules

Biblioteca Ágora

Obradoiro de bolachas

CONCURSO DE RELATO ORAL: TÍRALLE DA LINGUA

Dende a AS-PG (asociación sociopedagóxica galega) propoñen unha vez máis esta actividade co obxectivo de dar renda solta a creatividade literaria e á normalización do uso da nosa lingua.
Aquí deixamos a información por se hai alguén interesado en participar.
Premede AQUÍ e accederedes directamente á información do concurso.
A que esperades? Animádevos a crear os vosos relatos!

CONCURSO "DEBUXA O TEU COLE".

Os Bolechas son uns personaxes (de Pepe Carreiro) ben coñecidos  por todo o alumnado do noso centro. Co patrocinio de NovaGaliciaBanco, estes personaxes os ofreceron a posibilidade de participar nun concurso de debuxo, e por suposto, moitos de nós participaremos.
É algo voluntario, por suposto, pero son moitos os nenos e nenas que sí o farán.
Aquí tendes máis información sobre o concurso, premede na imaxe:

 

E por si nos ledes dende outro cole ou biblioteca... a que estades esperando para participar?

 

Por certo... por se non o sabíades, os Bolechas teñen uns libros moi interesantes, e algún ata están ambientados na nosa zona. Coñecíades este?

E TI... ONDE LES?

Este é o lema que escollimos para o noso "I CONCURSO DE FOTOGRAFÍA" que propoñemos para este verán. Aquí podedes ver as súas bases:

Collede a cámara, e... A PARTICIPAR!!!!!

GRAZAS Á BIBLIOTECA MUNICIPAL DE ORTIGUEIRA

Dende o equipo de biblioteca do cole queremos dar ás grazas á Biblioteca Municipal por compartir con nós tantas actividades.
Ao longo deste curso fixeron dúas animacións por aula, sobre a temática dos cabaleiros e das princesas.
Aquí vos amosamos un par de exemplos:
Neste podedes ver a historia contada a través dun kamishibai...

 

 Neste a historia contada sobre o propio libro...

Pero cada día nos sorprenden cunha gran idea de animación lectora. E... se non o credes, mirade como nos contaron a historia do Cid. Un paraugas contacontos!!! Sen dúbida, unha idea xenial!

Ademais organizaron un concurso de marcapáxinas adicado á figura de  Federico Maciñeira que tivo un grande éxito, non só pola participación, senón tamén pola calidade dos traballos. Agora pódense ver expostos todos os traballos na biblioteca municipal. Achegádevos a velos!

Podedes seguir as súas actividades a través do seu blogue

FANTÁSTICAS VIÑETAS

Coma no concurso de viñetas nos atopamos con traballos de moitísima calidade foinos moi dificil poder escoller un só traballo gañador. Por eso razón, o que fixemos foi presidir a zona de comics con tódolos traballos, para o cal fixemos un cartel xigante (en lona) no que se recollen todos os traballos en pequeniño.

 Ademais en cada ciclo, 2º e 3º se escolleron dous traballos gañadores e levarán uns agasaios sorpresa que mañá se entregarán.
Aquí podedes ver mellor tódolos traballos presentados. Sen dúbida, todos están moi, moi ben!


 

REMATOU O PRAZO

Hoxe rematou o prazo para a recollida de traballos do I Concurso de Viñetas, e... vaia sorpresa que levamos ao ver a caixa cheísima de traballos!!!!
Aínda que vos dixeramos que o gañador/a  tería como premio que a súa obra se convertese en cartaz da zona de comics da biblio... temos novidades!!! Dado que con tan bos traballos se nos fai imposible dar o nome dun só gañador... tedes que esperar un pouquiño, e á volta de vacacións, teredes todos unha recompensa polo voso traballo.
Estade atent@s!!! E por suposto, visitade a biblio, e seguide participando en tódalas actividades propostas! Haberá moitísimas máis!

I CONCURSO DE VIÑETAS

Lembrámosvos que tendes ata o día 21 deste mes  para entregar os vosos traballos. Recolleranse na biblioteca, na caixa destinada para iso.
Non vos esquezades de cubrir as vosas tarxetiñas cos datos persoais e pegalas por detras no voso traballo.
Esperámosvos!!!!

E, xa sabedes, a viñeta gañadora presidirá a SECCIÓN DE COMIC da nosa biblio.