RECITAL POÉTICO ROTATIVO

Organizamos un recital no que as poesías foran rotando polas clases, de xeito que cada clase tivera que ir a recitar a outra aula, e cando recibise a visita doutra clase tamén lles devolvera o recitado da súa poesía.
Así foi como unhas clases foron recitando a outras... e ao final ata se xuntaron máis clases para facer recitados conxuntos.
Como non escoitabamos as poesías de todos (non dispoñemos dun espacio no que poder facelo conxuntamente) cada clase preparou un mural sobre a súa poesía.
Agora na entrada do colexio o recibimento colorido destes murais, fai que todo mundo se achegue a ler poesías.
Mirade que chulis quedaron:

ABRIL: MES DOS LIBROS

Este mes festexamos o mes dos libros, por iso temos preparadas un montón de actividades.
Por unha banda imos facer o 23 de abril un GRAN MERCADO DE TROCO DE LIBROS, para o cal tanto familias, como profesorado e alumnado está traendo libros para trocar.
Cada vez que traemos un libro para trocar as colaboradoras da biblioteca dánnos un vale, co que (o día 23) poderemos facer o canxe libreiro.

Ademais, o 29 deste mes imos facer un RECITAL POÉTICO ROTATIVO. Cada clase está a preparar o recitado dunha poesía, e un mural alusivo á mesma.
A partir dun calendario previo, a cada clase corresponderalle recitar a súa poesía en dúas ocasións, posto que:
- Irá a recitala a outra clase (que lle corresponde)
- Recitará na súa propia clase (cando outra clase lles vaia a facer o seu recital).

Este mes, para continuar traballando cos libros, e coas poesías (que comezamos o mes pasado)... quixemos aproveitar e parte da decoración une as dúas temáticas, o que fixemos a partires dunha poesía de Gloria Fuertes, e que metemos, a modo de mural, dentro dun libro.

Aquí a queremos lembrar como unha gran escritora que foi, e ademais para os máis pequenos, por iso lle facemos unha lembranza especial.

21 DE MARZO: DÍA DA POESÍA

Como non podía ser doutro xeito, a chegada da primavera tiña que notarse no cole, e dende o Equipo de biblioteca quixemos que se notase a súa presenza.
Así foi como decoramos as cristaleiras da entrada do cole con gotas de chuvia con poesías:

 E mirade que imaxe tan fermosa reflicten coa súa sombra:

Hoxe no recreo, ademais, algunhas das colaboradoradoras de biblioteca nos deleitaron cun fermoso recital poético. Foron poesías, moitas, escollidas de entre as obras da MALETA POETA do CFR de Ferrol.
Para preparar o recital puxéronse en parellas ou tríos e preparon uns murais colaborativos coa poesía, e ilustracións alusivas.
E ditos murais agora están expostos no corredor que vai á biblioteca.
Mirádeos:

 De parte de todo o equipo de biblioteca queremos darlle as grazas a tódolos colaboradores, pois participaron tanto no recital como na decoración, polo que estas actividades debémosllas a eles.

A MALETA POETA

O día 21 de marzo será O DÍA DA POESÍA,  e por ese motivo e por achegar un pouco máis este xénero literario ao noso profesorado e alumnado, dispoñemos dunha MALETA POETA.

Sí, sí, como o ledes, temos unha maleta chea, cheísima de libros de poesías na nosa biblio.
Provén do CFR de Ferrol e vai viaxando polas bibliotecas dos colexios que as solicitan.
Poden consultarse  na biblio (na hora de empréstito semanal de cada clase, ou nos recreos) ou ben levarse en empréstito para a HORA DE LER, pero sempre a nome do titor/a.

A maleta estará só un mes na nosa biblio, por iso... non perdades tempo e aproveitade a ocasión para achegarvos ás rimas!
Aquí podedes ver na nosa exposición: