SESIÓN DE CONTACONTOS DE MEDO

Hoxe tivemos a sesión de contacontos desenvolvida polo grupo de animación á lectura dos colaborador@s da biblioteca. Todo un éxito, máis de un cento de alumnos e alumnas de primaria achegáronse á biblioteca para escoitar os catro contos que nos leron. Así, todos apertadiños, xa que a biblio hoxe quedounos un pouco pequena, escoitamos contos de momias, monstros dos mares, vermes terroríficos...

E mañá toca obradoiro de debuxo para plasmar todas esas escenas de medo. Non volo podedes perder.

Decoración con libros sobre a temática.



Pouca luz e candeas para crear un ambiente máxico.

RECREOS TERRORÍFICOS

Como xa anunciamos hai uns días, o medo non rematou no cole de Ortigueira. Os colaborador@s da biblio levan semanas preparando unha sesión de contos de medo para entreter a todos os rapaces que se pasen pola biblio. Cando será? O próximo 17 de novembro.



E despois da sesión de contacontos de medo, os seguintes días poderás achegarte á biblioteca a facer os teus propios debuxos sobre os contos.

Xa ves, estamos preparando unha morea de actividades para que a nosa  sexa unha biblio chea de vida e experiencia compartidas, e este mes, de MEDO.

VEN Á BIBLIOTECA, TRABALLAMOS PENSANDO EN TI.

OS COLABORADORES HOXE FORON CONTACONTOS NA ESCOLA INFANTIL "PATUCOS"

Dado o ben que o fixeron cando visitaron as aulas de infantil (formando parte da nosa programación de apadriñamentos lectores do proxecto de "Voluntariado de lectura A" no que estamos a participar)... tres grupos de colaboradores repitiron hoxe actuación na escola infantil Patucos. E foi todo un éxito!
Os grupos que non representaron hoxe o seu conto farano proximamente na Escola Infantil "A Galiña Azul". Estade atent@s para vel@s.
Aquí vos amosamos parte da mañá resumidas en imaxes:

Aquí podedes ver os títulos dos contos que fixeron, e parte das súas actuacións, vestimenta (creada por eles mesm@s...)

Boa pinta, verdade? Pois aínda o fixeron moitísimo mellor do que vos imaxinades.
Dende o equipo de biblioteca dámoslles un enorme aplauso ao pedazo equipo de colaboradores e colaboradoras que temos na biblio, porque cada día traballan más e o fan mellor.
Vai por vós! Que sería da nosa biblio sen o voso importantísimo papel.

ANIMAIS E COLORES... EN INGLÉS

Hoxe pola tarde, os máis pequenos do cole, tiveron outra vez a colaboración de Callie, que lles contou outro conto en inglés, que falaba de animais e de cores...

temas que parece... todos teñen dominados, porque eran quen de dicir as cores e os nomes dos animais en inglés.

 Despois aproveitaron para facer un xogo co que lembrar o nome das cores en inglés, para o cal, os profes pintáronlles a cara, e despois cando Callie nomeaba unha cor, os nenos e nenas que tiñan a cara pintada desa cor tiñanse que sentar no chan e o resto quedaban de pe. E así con tódalas cores.

 E así... pasamos a tarde, descubrindo os contos, os idiomas e os xogos...na BIBLIOTECA!!!!