A MALETA POETA

O día 21 de marzo será O DÍA DA POESÍA,  e por ese motivo e por achegar un pouco máis este xénero literario ao noso profesorado e alumnado, dispoñemos dunha MALETA POETA.

Sí, sí, como o ledes, temos unha maleta chea, cheísima de libros de poesías na nosa biblio.
Provén do CFR de Ferrol e vai viaxando polas bibliotecas dos colexios que as solicitan.
Poden consultarse  na biblio (na hora de empréstito semanal de cada clase, ou nos recreos) ou ben levarse en empréstito para a HORA DE LER, pero sempre a nome do titor/a.

A maleta estará só un mes na nosa biblio, por iso... non perdades tempo e aproveitade a ocasión para achegarvos ás rimas!
Aquí podedes ver na nosa exposición:

MALETA VIAXEIRA DE ANIMACIÓN Á LECTURA

Recén chegada de Fene, da xuntanza dos coordinadores das bibliotecas do PLAMBE da zona, trouxemos onte unha maleta con 22 libros relacionados coa temática da animación á lectura.
Na sala de profes, todo o profesorado pode ollar as obras, sacar ideas, levalas uns días en empréstito...
Teremos a maleta durante un mes, ata a próxima xuntanza do PLAMBE, así que... imos tentar que as ideas deses libriños deixen os seus froitos no cole, a través de novas ideas e formas de realizar a aniamación lectora co noso alumnado.

Non hai disculpa!!! Mans á obra que nos espera a "Hora de Ler", o traballo coas linguas e... quen sabe si xurde un Clube de Lectura? Por si é o caso, teremos que estar preparados.